Цаг үе - Baganuur.nutag.mn

Цаг үе - Baganuur.nutag.mn http://baganuur.nutag.mn/ ru Цаг үе - Baganuur.nutag.mn DataLife Engine Нийслэлийн Засаг дарга бөгөөд Улаанбаатар хотын Захирагч Б.Пүрэвдагва Багануур дүүргийн иргэдтэй уулзлаа http://baganuur.nutag.mn/index.php?newsid=2838 http://baganuur.nutag.mn/index.php?newsid=2838

Монгол Улсын Ерөнхий сайд Н.Учралын хамт нийслэлийн Засаг дарга бөгөөд Улаанбаатар хотын Захирагч Б.Пүрэвдагва Багануур дүүргийн Д.Нацагдоржийн талбайд иргэдтэй уулзаж, тулгамдаж буй асуудал болон санал хүсэлтийг нь сонсож, цаашдын хөгжлийн бодлого, шийдлийн талаар ярилцаж, сонирхсон асуултад нь нээлттэй хариуллаа. “Ерөнхий сайдаас асуу” уулзалтын хүрээнд нийслэлийн удирдлагууд есөн дүүргийн иргэдтэй уулзаж, тухайн орон нутагт тулгамдаж буй асуудлыг газар дээр нь сонсон, шийдвэрлэх арга замын талаар иргэдтэй хамтран ажиллах юм. Энэхүү уулзалт Багануур дүүргээс эхэллээ.

Уулзалтын үеэр нийслэлийн Засаг дарга бөгөөд Улаанбаатар хотын Захирагч Б.Пүрэвдагва “Хотын даргын хувьд Багануур дүүргийн хөгжлийн асуудалд маш тодорхой байр суурьтай ажиллана. Хүнгүй газар хөрөнгө оруулалт хийхгүй. Харин хүн ам нь өсөн нэмэгдэж буй, дэд бүтэцтэй, цаашид 100 мянган хүн амьдрах боломжтой Багануур, Багахангай, Налайх дүүрэгт гол анхаарлаа хандуулж, Улаанбаатар хотыг тэлэх бодлогыг хэрэгжүүлнэ. 2027 онд нийслэлийн хөрөнгө оруулалтаар Багануур руу чиглэсэн 1.2 км авто замыг дөрвөн эгнээ болгон өргөтгөнө. Мөн Багануурын хүрэн нүүрсний ордыг түшиглэн жилд 1.8 сая тонн нүүрс боловсруулах хүчин чадалтай “Нүүрс пиролизийн үйлдвэр” байгуулахаар төлөвлөн ажиллаж байна. Ингэснээр хагас коксон түлшийг дотооддоо үйлдвэрлэхээс гадна 450 шинэ ажлын байр бий болж, жил бүр гадагш гардаг 350 тэрбум төгрөгийг эх орондоо үлдээх боломж бүрдэнэ” гэв.

Багануур дүүргийн иргэд орон сууц, ипотекийн зээлийн хүртээмж, цалин хөлс, боловсрол, нийгмийн хамгааллын асуудлуудыг уулзалтын үеэр түлхүү хөндлөө. Тухайлбал, дүүргийн иргэдийг түрээслээд өмчлөх орон сууцны хөтөлбөрт хамруулах боломжийг нээж өгөх, ипотекийн зээлийн хүртээмжийг сайжруулах, төрийн албан хаагчдын цалин хөлсийг нэмэгдүүлэх, хүүхдийн зуслангийн засвар, шинэчлэлийг хийх, нүүрсээр галладаг сургуулиудын асуудлыг шийдвэрлэж, хүүхдүүдийн сурч, хөгжих орчныг сайжруулах шаардлагатайг эцэг, эхчүүд болон иргэд онцоллоо.

Ахмад настнуудын зүгээс тэтгэвэр, тэтгэмжийг нэмэгдүүлэх, ахмадуудад чиглэсэн нийгмийн хамгааллын бодлогыг сайжруулахтай холбоотой санал, хүсэлтийг мөн илэрхийлсэн юм.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

]]> zulaa Wed, 09 Sep 2026 16:01:47 +0800 "Ерөнхий сайдаас асуу" уулзалт Багануур дүүргээс эхэллээ http://baganuur.nutag.mn/index.php?newsid=2837 http://baganuur.nutag.mn/index.php?newsid=2837

Монгол Улсын Ерөнхий сайд Н.Учрал /2026.09.08/ Багануур дүүргийн Д.Нацагдоржийн талбайд иргэдтэй уулзаж, санал хүсэлтийг нь сонсож, Засгийн газрын бодлого, шийдвэрээ танилцууллаа. Багануур дүүргийн оршин суугчид нийгмийн хамгааллын асуудлыг, тухайлбал, дүүргийн хэмжээнд түрээслээд өмчлөх орон сууцанд хамрагдах боломж нээж өгөх, ипотекийн зээлийн хүртээмж нэмэгдүүлэх, төрийн албан хаагчдын цалин хөлс нэмэх, дүүргийн хүүхдийн зуслангийн засвар шинэчлэл, нүүрсээр галлаж буй сургуулийн асуудлыг шийдвэрлэх шаардлага байгааг хөндөж байлаа.

Мөн Багануур дүүргийг улсын зэрэглэлтэй хот болгох тухай, дүүрэгт “Ногоон өртөө” байгуулах, энэ чиглэлд хувийн хэвшилтэйгээ хэрхэн хамтран ажиллах талаар асууж хариулт авлаа. Үүнээс гадна, гадаадын хөрөнгө оруулалт татах бодлогоо Засгийн газар тууштай хэрэгжүүлэх, томоохон төсөл хөтөлбөрийн хэрэгжилтийг эрчимжүүлэх, тухайлбал Газрын тос боловсруулах үйлдвэрийг ашиглалтад оруулах хэрэгцээ шаардлага байгааг илэрхийлэв.

Ерөнхий сайд 2026 оны улсын төсвийн тодотгол батлагдвал, 11 дүгээр сарын 01-нээс тэтгэвэр, тэтгэмж, цалин хөлсөө нэмнэ. Хөдөө аж ахуй, хүнс, байгаль, цаг уур, соёл, спортын зэрэг төрийн үйлчилгээний бүх албан хаагчийн цалин 50 хувь нэмэгдэнэ.

Санхүүжилтийг нь төрийн өмчит компаниудын ногдол ашиг 1.6 их наяд төгрөгөөс зарцуулна. Мөн мах, гурилын үнээ тогтворжуулах хүрээнд стратегийн нөөцөө бүрдүүлнэ. 20,000 тонн мах, 100,000 тонн улаанбуудай, 12,000 мянган тонн төмс, хүнсний ногоо нөөцөлнө. Энэ хүрээнд төсвийн тодотголыг хэлэлцүүлж байгааг онцлов.

Багануур дүүргийг улсын зэрэглэлтэй хот болгоно, Нүүрс-пиролизын үйлдвэрийг ашиглалтад оруулна. Дүүргийн хоёр сургуулийг “Ногоон сургууль” болгоно. Орон сууцжуулалтын бодлогыг үндэсний хэмжээнд хэрэгжүүлнэ. 16,000 айл ипотекийн зээлд хамрагдана. Үүнээс төрд байгаа 4,000 орон сууцны урьдчилгаа төлбөр нь 15 хувь байна. Ирэх жил барилгын салбарт 500 сая ам.долларын санхүүжилт босгоно. Багануурт шинэ орон сууц барих сонирхолтой ААН-ийг дэмжинэ. Том төслүүдээ төр, хувийн хэвшлийн түншлэлээр явуулна. Төсвөөс мөнгө гаргаж шийдэхгүй. Газрын тос боловсруулах үйлдвэр барих үйл ажиллагааг Ерөнхий сайд хяналтдаа авсан. Газрын тосны эрэл хайгуул, олборлолтын талбайг Дотоодын цэргийн хамгаалалтад авах гэж байгааг хэллээ. Мөн Ерөнхий сайд шударга зарчимтай, нээлттэй ажиллана гэдгээ илэрхийлэв. Багануур дүүргийн иргэд улсын төсөв хэлэлцэж буй үеэр иргэдтэй уулзаж, санал хүсэлтийг нь сонсож буй Ерөнхий сайдад талархаж буйгаа илэрхийлж байлаа.

]]> zulaa Wed, 09 Sep 2026 13:37:52 +0800 Багануур дүүрэгт 280 хүүхдийн сургууль, цэцэрлэгийн цогцолбор барьж байна http://baganuur.nutag.mn/index.php?newsid=2731 http://baganuur.nutag.mn/index.php?newsid=2731 Сургууль, цэцэрлэгийн хүртээмжийг нэмэгдүүлэх, суралцагчдыг эрүүл, аюулгүй орчинд сурч боловсрох нөхцөлийг бүрдүүлэх зорилгоор бүтээн байгуулалтын ажлуудыг үе шаттайгаар хэрэгжүүлж байна. Тодруулбал, улсын төсвийн хөрөнгө оруулалтаар Багануур дүүргийн 3 дугаар хороонд хэрэгжүүлж буй 280 хүүхдийн хүчин чадалтай сургууль, цэцэрлэгийн цогцолборын барилга угсралтын ажил 89 хувийн гүйцэтгэлтэй үргэлжилж байна.

Нийт 5000 ам метр талбайд хэрэгжиж буй тус барилга нь А, Б, В блоктой бөгөөд зоорьгүй, хоёр давхар барилга юм. Өнөөдрийн байдлаар дотор засал болон гадна тохижилтын ажил үргэлжилж байна. Уг барилгыг энэ ондоо багтаан ашиглалтад оруулахаар төлөвлөж байгаа юм.

]]> zulaa Mon, 18 May 2026 10:33:51 +0800 Цэрэг өөрийгөө боомилж нас барсан гэх хэргийн шалтгааныг тодруулахаар ажиллаж байна гэв http://baganuur.nutag.mn/index.php?newsid=2720 http://baganuur.nutag.mn/index.php?newsid=2720

Багануур дүүрэгт ХЦ-ийн .. дугаар ангид алба хааж байсан цэрэг амь насаа алдсан гэх мэдээлэл гарсан. Энэ талаар цагдаагийн байгууллагаас тодруулахад "Энэ сарын 22-ны 07.50 цагт Төв аймгийн Мөнгөнморьт сумын нутаг Харзтайн ам гэх газарт малын сууринд үүрэг гүйцэтгэж байсан байлдагч боомилж нас барсан” гэх дуудлага, мэдээлэл цагдаагийн байгууллагад бүртгэгдсэн, шалтгаан нөхцлийг тодруулахаар шалгалтын ажиллагаа үргэлжилж байна.]]> zulaa Wed, 29 Apr 2026 10:29:26 +0800 Ерөнхийлөгч У.Хүрэлсүх “Багануур” ХК-ийн хамт олонд талархал илэрхийллээ http://baganuur.nutag.mn/index.php?newsid=2712 http://baganuur.nutag.mn/index.php?newsid=2712
Монгол Улсын Ерөнхийлөгч Ухнаагийн Хүрэлсүх нийслэлийн Багануур дүүрэгт ажиллах үеэрээ “Эрдэнэс Монгол” нэгдлийн харьяа “Багануур” ХК-ийн уурхайчид, ажилтан, албан хаагчидтай уулзлаа.

48 жилийн турш төвийн бүсийн эрчим хүчний нүүрсний хэрэгцээг тасралтгүй хангаж, иргэдийн ая тухтай амьдрал, орон нутаг, улс орныхоо хөгжил цэцэглэлтийн төлөө хүчин зүтгэж байгаа үе үеийн хамт олонд Ерөнхийлөгч талархал илэрхийллээ. Тэрбээр төрийн тэргүүний бодлого, үйл ажиллагаа, үндэсний хэмжээний хөдөлгөөн, хөтөлбөрүүдийн хэрэгжилт, улс орны нийгэм, эдийн засгийн байдлын талаар товч танилцууллаа.

Багануур” ХК улсын эрчим хүчний нүүрсний хэрэглээний 47 хувь, төвийн бүсийн хэрэглэгчдийн 52 хувийг дангаараа хангадаг.

Өнгөрсөн онд 4.8 сая тонн нүүрс олборлож, 37.2 тэрбум төгрөгийн хөрөнгө оруулалт хийсний зэрэгцээ олон жил хуримтлагдсан өр төлбөрөө барагдуулан 2.7 тэрбум төгрөгийн ашигтай ажилласан.

Улсын төсөвт 105 тэрбум, Нийгмийн даатгалд 19 тэрбум, Үндэсний баялгийн санд 126 сая төгрөг төвлөрүүлсэн байна. Энэ жил 4.8 сая тн нүүрс олборлох бөгөөд 2028 он гэхэд олборлолт 8 сая тн болж нэмэгдэнэ гэдгийг гүйцэтгэх захирал Т.Отгонболд хэллээ.

“Эрдэнэс Монгол” нэгдлийн 255 тэрбум төгрөгийн санхүүжилтээр барих Нүүрс пиролизын үйлдвэр ашиглалтад орсноор жилд 600 мянган тн хөх нүүрс, 82 мянган тн нам температурын давирхай үйлдвэрлэж, 40 мВт-ийн эрчим хүч үйлдвэрлэнэ. Ингэснээр орон нутагт 400 гаруй ажлын байр бий болох тооцоо гарсан байна.

“Тэрбум мод” үндэсний хөдөлгөөний хүрээнд улсын хэмжээнд 116 сая мод тарьж, ургуулаад байгаа. “Багануур” ХК хөдөлгөөнд нэгдэн 520 орчим мянган мод, бутны суулгацыг Мод үржүүлгийн газартаа бойжуулж, 2 тэрбум төгрөгийг нөхөн сэргээлт зэрэгт зарцуулжээ.

Ерөнхийлөгч У.Хүрэлсүх Ерөнхий сайдаар ажиллаж байхдаа Японы хөнгөлөлттэй зээлийн 23.5 тэрбум төгрөгийг тус компанийн технологийн автомашин, механизмын 27 хувийг шинэчлэхэд зарцуулах шийдвэр гаргаж байсан юм.

Компанийн хамт олон төрийн тэргүүний бодлого, үйл ажиллагааг дэмжиж, “Хүнсний хувьсгал”, “Тэрбум мод”, “Эрүүл монгол хүн” зэрэг үндэсний хэмжээний хөдөлгөөн, хөтөлбөрт бодит хувь нэмэр оруулж байгаад Ерөнхийлөгч талархал илэрхийллээ. Мөн эх орныхоо гал голомтыг бадраах хөгжил цэцэглэлтийн тулгуур болж, уурхайчин хэмээх нэрээр овоглон, мэдлэг, ур чадвараа дайчлан ажиллаж, уул уурхайн салбарын хөгжлийг өнөөгийн түвшинд хүргэхэд үнэтэй хувь нэмэр оруулж байгааг Монголын төр, засаг ямагт үнэлж ирснийг тэмдэглэлээ.

]]> zulaa Fri, 10 Apr 2026 14:22:36 +0800 Багануур дүүргийн үйлдвэр, технологийн паркийн хэсэгчилсэн ерөнхий төлөвлөгөө боловсруулах ажлын тендерийг зарлалаа http://baganuur.nutag.mn/index.php?newsid=2710 http://baganuur.nutag.mn/index.php?newsid=2710

Экспортын өрсөлдөх чадварыг нэмэгдүүлэх, импортыг орлох бүтээгдэхүүний үйлдвэрлэлийг дэмжих, өндөр технологийг хөгжүүлэх, мөн бүс нутгийн тогтвортой хөгжлийг хангах зорилгоор Багануур дүүргийн үйлдвэр, технологийн паркийн хэсэгчилсэн ерөнхий төлөвлөгөө боловсруулах ажлын тендер зарлагдлаа.

Материал хүлээн авах эцсийн хугацаа: 2026 оны 04 дүгээр сарын 22-ны өдөр 09:00 цаг

Дэлгэрэнгүй мэдээллийг: https://user.tender.gov.mn/mn/invitation/detail/1773637030304 хүлээн авна уу.

]]> zulaa Thu, 09 Apr 2026 17:22:28 +0800 Багануур дүүрэг аж үйлдвэржсэн, Улаанбаатарын төвлөрлийг сааруулсан хот болно http://baganuur.nutag.mn/index.php?newsid=2709 http://baganuur.nutag.mn/index.php?newsid=2709
Монгол Улсын Ерөнхийлөгч Ухнаагийн Хүрэлсүх нийслэлийн Багануур дүүргийн иргэдтэй уулзлаа.

Ерөнхийлөгчийг төв талбайд дүүргийн удирдлагууд, Багануур цэргийн хотхоны хүндэт харуул угтаж авлаа.

Ерөнхийлөгч бодлого, үйл ажиллагааныхаа хэрэгжилт, нийгэм, эдийн засгийн байдал, хэрэгжүүлж байгаа хөтөлбөр, санаачилсан хууль, түүний дотор УИХ-ын гишүүнийг эгүүлэн татахтай холбоотой хуулийн төслийн талаар танилцууллаа.

Тэрбээр эдийн засаг 6.8 хувиар өсөж, нэг хүнд ногдох Дотоодын нийт бүтээгдэхүүн 7,000 ам.доллар даван, гадаад валютын нөөц 7 тэрбум ам.долларт хүрч, зээлжих зэрэглэл түүхэн дээд түвшинд хүрснийг хэллээ. Гадаад бодлого, гадаад харилцаа улам өргөжин, түүхэнд үлдэх төрийн айлчлалууд болж, улсын нэр хүнд олон улсын тавцанд өсөн, монголчуудын баялаг түүх, бахдам соёл, суу алдрыг дэлхий дахинд сурталчлан таниулж байгааг тэмдэглэв.

Ерөнхийлөгчийн санаачилсан УИХ-ын гишүүнийг эгүүлэн татахтай холбоотой хуулийн төслийг бүрэн дэмжиж байгаагаа уулзалтад ирсэн иргэд хэлж байлаа. Багануур дүүрэгт бүтээн байгуулалтын томоохон ажлууд өрнөж байна.

Тухайлбал, 2024 онд 293 тэрбум төгрөгийн хөрөнгө оруулалтаар ашиглалтад оруулсан 50 Мегаватт хүчин чадалтай цэнэг хуримтлуурын станц Улаанбаатар хотод эрчим хүч нийлүүлдэг.

Энэ онд 600 мянган тн хөх нүүрс, 82 мянган тн нам температурын давирхай, 40 Мегаватт эрчим хүч үйлдвэрлэх Нүүрс пиролизын үйлдвэрийн эхний шат болон “Багануур үйлдвэрлэл, технологийн парк” ашиглалтад орно. Ингэснээр шинээр 3,500-5,000 ажлын байр бий болох тооцоо гарсан байна. Мөн “Месес” компанийн гангийн үйлдвэр ашиглалтад орсноор манай улсын нийт арматурын хэрэглээний 20 хувийг дангаараа үйлдвэрлэх юм.

Төрийн тэргүүний бодлого, үйл ажиллагаа, “Хүнсний хувьсгал”, “Цагаан алт”, “Тэрбум мод”, “Ерөнхийлөгчийн илгээлт-2100”, “Эрүүл монгол хүн” зэрэгт хувь нэмрээ оруулахын зэрэгцээ санаачилсан хууль, түүний дотор УИХ-ын гишүүнийг эгүүлэн татахтай холбоотой хуулийн төслийг дэмжиж байгаад Ерөнхийлөгч талархал илэрхийллээ. Мөн дүүргийн удирдлага, төр, хувийн хэвшил, иргэд хамтран байгаль орчинд ээлтэй, дэвшилтэт технологитой, экспортын чиг баримжаатай, импортыг орлох үйлдвэрлэлийг хөгжүүлж, ажлын байр бий болгон, орон нутаг, улсынхаа эдийн засагт бодитой хувь нэмэр оруулж байгааг онцлон тэмдэглэлээ.

“Ерөнхийлөгчийн илгээлт-2100” тэтгэлэгт хөтөлбөрийн хүрээнд дэлхийн 21 улсын их, дээд сургуульд 1,055 оюутан суралцаж байгаагийн 10 гаруй нь Багануур дүүргийнх юм.

Үр хүүхдээ эрдэм мэдлэгтэй, хөдөлмөрч хичээнгүй болгож өсгөсөн эцэг, эх болон сурган хүмүүжүүлсэн багш нарт нь Ерөнхийлөгч баяр хүргэлээ. Энэ хүүхдүүд сургуулиа төгсөж ирээд, орон нутаг, улсынхаа хөгжил дэвшлийг түүчээлэгчид болно гэдэгт эргэлзэхгүй байгаагаа илэрхийллээ. Мөн аймгийн удирдлага, иргэдэд амжилт хүсэн, ололт, амжилтаа бататгаж, эвийг эрхэмлэж, зөвийг тэтгэн, улс Монголоо хөгжүүлэхийн төлөө хүн бүр хичээн зүтгэхийг уриаллаа. Ерөнхийлөгч мөн Шүүхийн шийдвэр гүйцэтгэх ерөнхий газрын ахмад ажилтан, бэлтгэл хурандаа Халтарын Пүрэвсүрэнд Гавьяат хуульч, дүүргийн 142 дугаар цэцэрлэгийн эрхлэгч асан, зөвлөх багш Аюушийн Баттөмөрт Гавьяат багш цол хүртээлээ. Мөн нэр бүхий эрхмүүдийг төрийн дээд одон, медалиар шагналаа.

]]> zulaa Thu, 09 Apr 2026 17:21:57 +0800 Багануурын нүүрсний уурхайг түшиглэн хагас коксон түлшний үйлдвэрийг байгуулснаар нүүрсний өртөг буурна гэв http://baganuur.nutag.mn/index.php?newsid=2685 http://baganuur.nutag.mn/index.php?newsid=2685 Засгийн газрын Хэрэг эрхлэх газрын дарга С.Бямбацогт, Багануур дүүргээс сонгогдсон УИХ-ын гишүүд, нийслэлийн Засаг даргын нэгдүгээр орлогч Т.Даваадалай нар “Багануур” ХК-д ажиллаж, хэрэгжүүлж буй томоохон төсөл хөтөлбөр, тулгамдаж байгаа асуудлуудын талаар хэлэлцэж, санал хүсэлтийг нь сонсож, зарим шийдвэрийг гаргалаа.
Монгол Улсын Эрчим хүчний хэрэглээний 62 хувийг дангаараа бүрдүүлдэг “Багануур” ХК 762.8 сая тонн нүүрсний нөөцтэй. 2025 онд 4.8 сая тонн нүүрс олборлож, 268.2 тэрбум төгрөгийн орлого төвлөрүүлсэн. 2010 оноос хойш нүүрс олборлолтын хэмжээ жил бүр өсөн нэмэгдэж байгаа ч “Багануур” ХК санхүүгийн алдагдалтай ажиллаж байна.

Нийслэлийн Засаг даргын нэгдүгээр орлогч Т.Даваадалай “Багануурын уурхай нь салбарын үнийн зохицуулалтаас болж алдагдалтай ажилладаг. Цаашид салбарыг шинэчлэх, үр өгөөжтэй ажиллуулах шаардлагатай. Багануурын дулааны станц өдгөө ямар нэг гэмтэл гарахад бэлэн байдалтай бөгөөд алдагдалтай ажиллаж байна. 150 МВт-ын дулааны станцын зураг төслийн ажил дуусах шатандаа явж байна. Дулааны станц зөвхөн дулаан үйлдвэрлэдэг тул өвлийн улиралд ажилладаг. Дулааны тариф бага учир алдагдалтай ажиллаж, төрөөс татаас авдаг, хөрөнгө оруулалт хийхэд хүндрэлтэй байдаг. Харин цахилгаан, дулаан, батарей хосолсон үйлдвэр баривал хувийн хэвшил зардлаа гаргаад хийх боломжтой. Мөн станц цаашид биеэ даагаад ажиллах боломжтойгоос гадна урсгал зардлаа нөхөөд ашигтай ажиллах, эдийн засгийн үр өгөөжтэй байдаг. Засгийн газрын Хэрэг эрхлэх газрын дарга С.Бямбацогт энэ талаар судлахыг үүрэг болголоо” гэв.
Тэрээр үргэлжлүүлэн “Энэ жил дулааны аргаар боловсруулж, жигнэсэн хөх нүүрс хэрэглэснээр Улаанбаатар хотын агаарын бохирдол 35 хувиас дээш хувиар буурсан. Цаашид Багануурын уурхайг түшиглээд үйлдвэр барьж хэрэглээгээ дотоодоос хангана. Багануурын уурхайн нүүрсний дундаж илчлэг 3300 ккал байдаг. Угааж, баяжуулснаар энэ үзүүлэлт 30 хувиар өсөх боломжтой. Нүүрс пиролизын үйлдвэр барих ажлыг “Эрдэнэс Монгол” хариуцаад хийж байна. Улаанбаатар хот жилд 450-500 мянган тонн нүүрс хэрэглэдэг. Цаашид нүүрсний хэрэглээг багасгаж, 2030 он гэхэд 200 мянган тонн нүүрс хэрэглэхээр төлөвлөсөн” гэв.

Засгийн газрын Хэрэг эрхлэх газрын дарга С.Бямбацогт “Энэ жил хөх нүүрсийг гаднаас авч түлсний үр дүнд Улаанбаатар хотын утаа багассан. Цаашид БНХАУ-аас өндөр үнэтэй хагас коксон шахмал түлшийг худалдаж авах уу, Багануурын уурхайг түшиглэн хагас коксон түлшний үйлдвэрийг байгуулах уу гэдэг асуудалд шийдэл гаргахаар ажиллаж байна. Багануурын нүүрсний уурхайг түшиглэн хагас коксон түлшний үйлдвэрийг байгуулснаар нүүрсний өртөг буурна. Засгийн газрын хуралдаанаар шийдвэр гаргаж хагас коксон шахмал түлшний үйлдвэрийг яаралтай эхлүүлэх ажлыг эрчимжүүлнэ. Мөн Багануурын уурхайг түшиглэсэн үйлдвэр технологийн парк байгуулах ажлыг эрчимжүүлэх, үүнтэй холбоотой эрх зүйн орчныг сайжруулах талаар бид ярилцаж шийдлүүд гаргалаа. Алслагдсан дүүргийг аж үйлдвэржсэн дүүрэг болгох боломж байна” гэв.
Нүүрс пиролизын үйлдвэр ашиглалтад орсноор жилд 600 мянган тонн хөх нүүрс, 81.8 мянган тонн нам температурын давирхай үйлдвэрлэхээс гадна 40 МВт-ийн эрчим хүч үйлдвэрлэх боломжтой юм.

]]> zulaa Thu, 29 Jan 2026 11:15:57 +0800 Багануурын уурхайд ХОЁР ХҮН амь насаа алджээ http://baganuur.nutag.mn/index.php?newsid=2629 http://baganuur.nutag.mn/index.php?newsid=2629

Багануурын уурхайд хоёр хүн амь насаа алдсан хэрэг гарсан байна.

Энэ талаар ЦЕГ-ын Хэвлэл мэдээлэл олон нийттэй харилцах албанаас тодруулахад "Багануур дүүрэгт энэ сарын 27-ны өдрийн 14.00 цагийн орчимд биедээ зүсэгдсэн шархтай 2 иргэн нас барсан байна гэх мэдээлэл цагдаагийн байгууллагад бүртгэгдсэн. Одоогоор нас барсан шалтгаан болон бусад нөхцөл байдлыг тогтоохоор шалгаж байна" гэлээ.

]]> zulaa Wed, 03 Dec 2025 14:08:18 +0800 Багануурын 50 МВт батарей хуримтлуурын станц төвийн системд 57.450 сая КВт.цаг эрчим хүч нийлүүллээ http://baganuur.nutag.mn/index.php?newsid=2606 http://baganuur.nutag.mn/index.php?newsid=2606

Улаанбаатар хотын эрчим хүчний систем хүн амын төвлөрөлтэй холбоотойгоор 2023-2024 онд шилжих өвөл 200 МВт чадлын дутагдалд орж, өвлийн оргил ачааллын үеэр цахилгааны хязгаарлалт тогтмол хийгдэж байсан.

Эхэндээ гэр хорооллоор цахилгаан тасарч, яваандаа орон сууцны айлууд хүртэл хотхоноороо цахилгаанаа таслуулж байсан нь саяхан. Гэвч асуудлыг дараа өвөл нь гэхэд шуурхай шийдсэн.

Нийслэлээс Бөөрөлжүүтийн цахилгаан станцын 150 МВт эхний блокийг 2024 оны намар ашиглалтад оруулж, удалгүй төвийн бүсийн нэгдсэн системд цахилгаанаа нийлүүлж эхэлсэн. Мөн энэ үеэр Багануурын 50 МВт хүчин чадалтай батарей хуримтлуурын станцыг шил дараалан ашиглалтад оруулж, төвийн бүсийн системд нийт 200 МВт хүчин чадалтай Бөөрөлжүүт, Багануурын станцууд 2024-2025 онд шилжих өвөл цахилгаан эрчим хүчээ тасралтгүй нийлүүлснээр Улаанбаатар хотод дахин цахилгаан тасалдаагүй.

Өнгөрсөн сарын 16-нд ОХУ-аас импортолж авдаг 220 кВ-ын цахилгааны шугам тасарч, түр хугацаанд эрчим хүч тасалдсан байдаг. Үүнээс өөр цахилгааны хязгаарлалт хийгдээгүй.

Улаанбаатар хотын хүн амын эрчим хүчний хэрэглээ тасралтгүй өсөн нэмэгдэж байгаа учраас Бөөрөлжүүтийн эхний 150 МВт станцыг ашиглалтад оруулсны дараа дараагийн 150 МВт хоёрдугаар блокийн ажлыг яаравчлан эхлүүлж, 2025 оны аравдугаар сарын 18-нд хугацаанаас нь хоёр сарын өмнө ашиглалтад оруулж, төвийн системд эрчим хүч нийлүүлж байгаа билээ. Харин арваннэгдүгээр сарын 2-ны байдлаар Багануурын 50 МВт хүчин чадалтай батарей хуримтлуурын станц “Улаанбаатар энержи” ХХК төвийн системд 57.450 сая КВт.цаг эрчим хүч нийлүүлжээ.

]]> zulaa Mon, 10 Nov 2025 15:30:29 +0800