Хятадын дотоодын нүүрсний үнэ доод цэгтээ хүрсэн талаар салбарын томоохон групп мэдэгджээ. Хятадын Нүүрсний тээвэрлэлт, түгээлтийн нийгэмлэгийн (CCTD) судалгааны хэлтсийн ерөнхий менежер Хан Лэй "Нийт овоолгын хэмжээ тийм ч өндөр биш байгаа тул зах зээлийн худалдан авалт нэмэгдвэл үнэ шууд өснө" гэжээ. Хятадын эрчим хүчний нүүрсний үнэ одоогоор тонн тутамдаа 800 гаруй юань буюу 110.41 ам.доллар байгаа бөгөөд үүнийг салбарынхан энэ жилийн үнийн доод үнэ гэж үзэж байна гэж Хан ярьжээ. Хятадын нүүрсний олборлолт өнгөрсөн жил 2.9 хувийн  өсөлттэй байсан бол энэ онд үндсэндээ тогтвортой байна гэж таамаглаж байна. Үл хөдлөх хөрөнгийн зах зээл удааширсан нь нүүрсний эрэлт харьцангуй бага байх гол шалтгаануудын нэг гэж үзжээ. Эрчим хүчний салбарын нүүрсний хэрэгцээ тогтвортой байна. Улаан тэнгисийн тасалдал нь ачаа тээврийн зардлыг хөөрөгдөж, импортыг илүү үнэтэй болгож байгаа аж. Индонезээс импортлох ачааны үнэ нэг ам.доллароор нэмэгдэж, Австралийн тээвэрлэлт гурван ам.доллар хүртэл үнэтэй болсон гэж Хан хэлэв. Дэлхийн хамгийн их бохирдуулагч түлш хэрэглэдэг БНХАУ-ын нүүрсний импорт 2024 онд бага зэрэг өөрчлөгдөх эсвэл буурах төлөвтэй байгаа хэдий ч бохирдуулагч түлшний нийт эрэлт нэмэгдэх төлөвтэй байна.