Тэрбээр "Миний бие хамаарал бүхий компаниа ХОМ-тээ мэдүүлсэн. Төрөөс нэг ч удаа тендер аваагүй. Бизнесийн зарчмаараа ажиллаад жилд дунджаар 300 гаруй сая төгрөгийн татвар төлдөг. Үүнийг та бүхэн шалгаж болно, нээлттэй. Түүнчлэн миний зөвшөөрлөөр хийгддэг төрийн томилгоо байхгүй. Улаанбаатар хотын төлөөлөгчөөр намайг ажиллаж эхлэхээс өмнө Сөүл, Токио, Москва хотуудад томилогдсон томилгоо тэр хэвээрээ байгаа.

Хот, тосгоны эрх зүйн тухай хууль дээр би өөрөө ажилласан. Үүн дээр хотын даргаа өөрсдөө сонгодог өөрчлөлт рүү явна. Хотын иргэдийн хурал гэж бий болно. Эхний ээлжид Улаанбаатарын 14 хотын даргыг сонгоно. Хотыг хуваах ажлыг би хариуцахгүй. ЗГХЭГ болон холбогдох яамдууд уг ажлыг хийнэ" гэлээ.

Мөн Ерөнхий сайдтай холбоотой асуудалд "Ерөнхий сайдыг мэдэгдэл хийх үед би хамт байсан. Ерөнхий сайд хэлснийхээ дагуу орлогоо нотлох байх. Хамгийн адгийн улс төр бол гэр бүл, хүүхдээр нь оролдох шүү" гэх байр суурийг илэрхийллээ. Мөн түүнээс Ерөнхий сайд Л.Оюун-Эрдэнэтэй ураг, төрлийн хамааралтай эсэхийг тодруулахад тэрбээр хариулахаас татгалзлаа.