Байгаль орчныг хамгаалах хүчин чармайлт мухардаж байгаа бололтой. Тодруулбал, НҮБ-ын дэлхий даяарх ган гачигтай холбоотой асуудлыг шийдвэрлэх хурал тодорхой төлөвлөгөө, үр дүнд хүрч чадаагүй юм. Өргөтгөсөн хэлэлцүүлгээр ган гачгийг хэрхэн даван туулах талаар хөгжингүй болон хөгжиж буй орнуудын хоорондын үзэл бодол тохиролцоонд хүрч чадаагүй аж. Эр-Рияд хотноо болж буй НҮБ-ын Цөлжилттэй тэмцэх конвенцийн (UNCCD) “COP16” уулзалтад 196 орон болон Европын холбооны төлөөлөгчид шөнөжин хуралдаж, хэлэлцээг нэг өдрийн турш төлөвлөсөн хугацаанаас хэтрүүлсэн байна.

Гэвч бүтэн 24 цаг үргэлжилсэн хуралдаан “Талууд хамгийн сайн арга замын талаар тохиролцоход илүү цаг хугацаа хэрэгтэй" гэх мэдэгдлээр төгссөн юм . Бүтэлгүйтсэн хэлэлцээрийн замнал Өнгөрсөн хугацаанд мөн адил ямар ч үр дүнд хүрээгүй хурал, хэлэлцээрийн дараа “COP16” ямар ч шийдэлд хүрээгүй нь олон нийтийн урмыг хугалав. Жишээлбэл, Колумбид болсон биологийн олон янз байдлын талаарх амжилтгүй болсон хэлэлцээр, Өмнөд Солонгост хуванцар бохирдлын асуудлаар хийсэн хэлэлцээ амжилтгүй болсон зэрэг юм. Олон улсын хүрээлэн буй орчин, хөгжлийн хүрээлэнгийн Том Митчелл эдгээр бүтэлгүйтэл нь "Дэлхийн хэмжээнд тулгарч буй сорилтуудыг онцолсон" гэж үзсэн байна.

Хамгийн аймшигтай байгалийн гамшгийн тоонд орсон ган гачиг нь уур амьсгалын өөрчлөлтийн улмаас улам эрчимжих төлөвтэй байна. Энэ нь экосистем болон хүний амьжиргаанд заналхийлж байна. НҮБ-ын мэдээлснээр, ган гачигтай холбоотой эдийн засгийн алдагдал жил бүр 300 тэрбум ам.доллараас давж байгаа бөгөөд ус улам хомсдох тусам энэ тоо өсөх хандлагатай байна. Санхүүгийн хохирлоос гадна нийгэм, хүмүүнлэгийн нөлөөлөл нь аймшигтай их бөгөөд ган гачиг нь хүнсний аюулгүй байдлыг улам хурцатгаж, олноор нүүдэллэхийг шаардаж, хомсдож буй нөөцөөс үүдэлтэй зөрчилдөөнийг улам хурцатгадаг. Өсөн нэмэгдэж буй гангийн хямрал Ирээдүйд ган гачиг ямар байх төсөөлөл харамсмаар үзүүлэлттэй байна. 2050 он гэхэд дэлхийн хүн амын дөрөвний гурав нь ган гачигтай нүүр тулж, хөдөө аж ахуй, усны менежментийн систем, хот төлөвлөлтөд урьд өмнө байгаагүй их хохирол учруулж болзошгүй байна. Нэгэнт ган гачигт өртсөн эмзэг бүс нутгууд улам их хүнд дарамтыг мэдрэх боловч энэ нь дэлхийн булан бүрт нөлөөлнө.

Хэрэв зоригтой арга хэмжээ авахгүй бол үр дагавар нь ядуурлыг арилгах, хүнсний аюулгүй байдлыг хангах, энх тайван, шударга ёсыг дэмжих зэрэг НҮБ-ын Тогтвортой хөгжлийн хэд хэдэн зорилтод хүрэх ахиц дэвшилд аюул учруулж болзошгүй юм. Ган гачгийн хямралыг шийдвэрлэх нь зөвхөн байгаль орчныг хамгаалах асуудал биш бөгөөд энэ нь дэлхийн тогтвортой байдлын зайлшгүй шаардлага юм. Африкийн орнууд илүү хүчтэй арга хэмжээ авах хэрэгтэй Африкийн орнууд “COP16” гэрээг байгуулах нэгдмэл байр суурьтай байсан. Тус бүс нутгийн нэгэн төлөөлөгч нэрээ нууцалж хэлэхдээ, ган гачигт бэлтгэх төлөвлөгөөг заавал биелүүлэх шаардлагатайг онцолж, "Би Африкийг гангийн протоколын талаар төлөөлөгчид анх удаа хүчтэй нэгдэж байгааг харсан” гэжээ. Хөгжингүй орнууд заавал биелүүлэх үүрэг, дүрэм гэхээсээ илүү чөлөөт бодлого явуулахыг илүүд үзсэн.

Тэрбээр “COP16-ийн протокол байхгүй байгаа нь ахиц дэвшлийг удаашруулах ёсгүй" гэж хэлээд засгийн газар тогтвортой газар менежментийн хөтөлбөрөөр дамжуулан тариаланчдыг дэмжих боломжтой хэвээр байгааг онцлон тэмдэглэжээ. Санхүүгийн амлалт, ирээдүйн төлөвлөгөө “COP16” ахиц дэвшилгүй байсангүй. Арабын зохицуулах бүлэг, Эр-Риядын дэлхийн ган гачигт тэсвэртэй түншлэл зэрэг янз бүрийн байгууллагууд ган гачигт тэсвэртэй байдлын хүчин чармайлтад 12 тэрбум гаруй ам.доллар зориулахаа амласан. Гэсэн хэдий ч энэ нь НҮБ-аас 2030 он гэхэд газрыг нөхөн сэргээхэд шаардагдах 2.6 их наяд ам.долларт хүрэхгүй байна. Саудын Арабын Байгаль орчны сайд Абдулрахман АльФадли өөрийн улс орныхоо амлалтыг онцлон тэмдэглээд "Экосистемийг хамгаалах, цөлжилт, газрын доройтолтой тэмцэх олон улсын хамтын ажиллагааг сайжруулах, ган гачигтай тэмцэх чиглэлээр бүх талуудтай хамтран ажиллах болно" гэжээ.